Í samanburði við fyrri gerð er ný Fabia stærri í ytri málum. Nýr Fabia Combi er 7 mm lengri og 46 mm hærri. Lengd: 4.239 mm; breidd: 1,642 mm og hæð: 1.498 mm.

Eins og heildarútlit bílsins byggja öll smáatriði í ytri hönnun á auðþekkjanlegu formi hans. Lögun á þaki og hliðargluggum gefa bílnum straumlínulagað útlit og það ásamt dökkum hurðapóstum gefa honum kraftalegt yfirbragð.

Sérstakt útlit á framljósunum leggur sitt af mörkum til þess að ásjóna bílsins sýnist vingjarnleg. Vatnskassahlífin byggir á klassískri hönnun. Hún er með láréttum rimum og merki Skoda.

Nýr Fabia er líka gerbreyttur að innan. Allt gengur út á þægilega uppröðun í mælaborðinu. Umhverfi ökumannsins er því skipulagt í þeim tilgangi að gera það sem allra þægilegast, öruggast og notendavænst. 

Lykilatriði í hönnun innanrýmisins er mikið pláss fyrir farþega í aftursætum, fjöldi geymsluskúffa og –hirslna og notkun hágæðaefna í innanrýminu.

Farþegi í framsæti hefur aðgang að geymsluhólfum af ýmsum stærðum og gerðum, opnum og með loki, allt eftir búnaðarútfærslum. Læsanlegt neðra hanskahólfið gegnir hlutverki lítils kæliskáps í þeim gerðum sem eru með loftfrískunarbúnaði.