Roomster býður farþegum upp á þægindi. Þannig er gengið frá hlutum að allt sem ökumaður þarfnast er innan seilingar í stjórnrýminu. Að aftan er sömuleiðis rúmgóður og notalegur íverustaður fyrir farþega.  

Ríkulegur grunn- og aukabúnaður fylgir Roomster sem gerir ferðina þægilega jafnt fyrir farþega í aftursætum sem ökumann og farþega í framsæti. Fjöldi geymsluhólfa og vasa fyrir smáhluti, skjöl, gleraugu, kort og allt að fjórum lítrum af drykkjum koma að góðum notum og auk þess er að finna notadrjúga vasa í hurðarspjöldunum.

Hálfsjálfvirkt eða alsjálfvirkt loftfrískunarkerfi viðheldur ákjósanlegu hitastigi inni í bílnum. Kerfin eiga það sameiginlegt að valda ekki umhverfinu skaða – þau eru laus við skaðleg freon-efni, veita hámarkskælingu og valda lágmarksmengun.  

Beat eða Dance hljómtækin skila tónlistinni ómengaðri til farþeganna. Dance hljómtækið spilar CD-R, CD-RW, geisladiska sem eru varðir gegn fjölföldun, og MP3. Hægt er að tengja geisladiskaskipti fyrir sex geisladiska og einnig vasasegulband og ferðageislaspilara, iPod og MP3 spilara. Hægt er að tengja síma inn á tækið, sem tekur við umferðarupplýsingum og útvarpstexta og sýnir upplýsingar á Maxi-DOT skjá í sjónlínu ökumanns.