Grunnbúnaður í öllum gerðum Roomster eru öryggispúðar fyrir ökumann og farþega í framsæti auk hliðaröryggispúða. Aftengja verður öryggispúða fyrir farþega í framsæti ef ætlunin er að koma þar fyrir barnabílstól. Til þess að hámarka öryggi ökumanns og farþega er skynsamlegt að panta bílinn með loftpúðagardínum sem ná yfir endilangar hliðar farþegarýmisins. Loftpúðagardínurnar verja jafnt farþega í framsætum og aftursætum komi til áreksturs. Og eitt skyldi aldrei gleymast! Virkni öryggispúðanna er mest þegar farþegar hafa öryggisbeltin spennt.

Rafeindastýrð kerfi af nýjustu gerð stuðla ennfremur að öryggi allra í umferðinni. Roomster er með ABS, MSR og Dual Rate í mörgum útfærslum og ennfremur er ASR fáanlegt sem aukabúnaður.  ESP stöðugleikastýring eykur mjög öryggi í akstri í beygjum við allar aðstæður. ESP-kerfið innifelur um leið öll hin kerfin sem áður voru nefnd.