Sem tæknilega fyrirbyggjandi öryggisbúnaður eru bi-xenon aðalljóskerin afar mikilvæg.  Þau eru með innbyggðum beygjubúnaði, tengdum stefnu framhjólanna og lýsa þannig upp hindrun, sem áður gat leynst í beygju á veginum. Þokulugtirnar að framan eru sömuleiðis áríðandi öryggisbúnaður Ten þær eru sambyggðar dagsljóskerunum í kringlóttum ramma.

Yfirgripsmikill rafstýrður búnaður er einnig hluti af fyrirbyggjandi öryggi svo sem hemlalæsivörn, læst mismunadrif, stöðugleikastýring, spólvörn, spyrnustjórnun og hemlar með hjálparafli. Til að minnka hættu á að ekið verði aftan á bílinn, ef nauðhemlað er í þéttri umferð, blikka hemlaljósin sjálfvirkt og hættuljósin kvikna einnig sjálfkrafa eftir að bíllinn hefur stöðvast.

Ef umferðarslys verður ekki umflúið, sér hinn meðvirki öryggisbúnaður um að vernda farþegana gegn líkamsáverkum. Í fyrsta lagi er yfirbyggingin með afbrigðum sterkbyggð, sérstaklega hurðastafir og burðarvirki. Í öðru lagi eru svo öryggisfestingar fyrir vél og fetla, ásamt allt að níu öryggispúðum fyrir farþega í fram- og aftursætum, þar með taldir hnépúðar fyrir þá, sem eru í framsætum.

Þegar öryggispúðarnir blása upp, rofnar rafstraumur sjálfvirkt til eldsneytisdælu og fleiri notenda, sem dregur úr hættu á að eldur kvikni, hurðalæsingar opnast og inniljós kvikna. Aðrir vegfaraneur eru jafntframt varaðir við með því að hættuljós bílsins blikka sjálfkrafa.