Bíllinn undirbúinn fyrir mesta annatímann

    Það reynir mikið á bílinn og ökumann á vorin, en þó sérstaklega á sumrin þegar farið er í ferðalög. Ferðalög eru orðin tíðari og af þeim sökum verður að huga vel að ástandi bílsins. Reglubundin umhirða tryggir það að bíllinn er ávallt til reiðu þegar á þarf að halda og síðast en ekki síst eykur hún öryggi þeirra sem í bílnum ferðast. Þess utan eykur góð umhirða líftíma bílsins. En hverju ættu bíleigendur helst að huga að?

    Skipt yfir á sumardekk og þau yfirfarin

    Það ætti enginn að aka á vetrardekkjum þegar lofthiti er yfir 7 gráðum á Celsius. Vetrardekk eru gerð úr mýkri gúmmíblöndu en sumardekk og slitna hraðar við hærra hitastig. Hagkvæmast er að hafa sumardekkin á felgum í stað þess að umfelga öllum dekkjunum við árstíðaskipti.

    Þannig er dregið úr þeirri hættu að dekkin skemmist. Umgang af dekkjum á felgum er hægt að geyma hjá viðurkenndum þjónustuaðila Skoda í samræmi við reglur framleiðandans. Athugaðu ástand hjólbarðanna og felgnanna við árstíðaskipti, hvort þeir séu jafnvægisstilltir og hvort réttur loftþrýstingur sé í þeim. Dýpt mynstursins í dekkjunum er mikilvæg. Lög kveða á um að mynstursdýpt skuli vera 1,6 mm hið minnsta en sérfræðingar eru þó sammála um að hún ætti að vera að minnsta kosti 4 mm.

    Hemlakerfið athugað

    Aukið álag er á hemlakerfið að vetrarlagi. Í vetrarlok ættu því allir að láta skoða hemlana. Einkum þarf að athuga hvort bremsuvökvi leki, kanna ástand bremsuslanga, bremsudiska og bremusborða.

    Hemlakerfið þarf að skila sama hemlunarátaki til allra hjóla án þess að það komi niður á aksturseiginleikunum. Við mælum með því að virkni hemlanna sé mæld í viðurkenndum tækjabúnaði hjá viðurkenndum þjónustuaðila Skoda.

    Undirvagninn athugaður

    Þrífa þarf undirvagn á öllum bílum og hreinsa af honum salt eftir veturinn. Sérstaklega mikilvægt er að hreinsa undir botnplötu bílsins og undir hjólaskálum þar sem mesta saltið sest. Að þvotti loknum er mikilvægt að athuga ástand ryðvarnarinnar undir bílnum.

    Allt sem bendir til skemmda á að láta sérfræðing gera við. Viðurkenndir þjónustuaðilar Skoda eru með öll nauðsynleg viðgerðarefni, búa yfir ákjósanlegri aðstöðu og kunna til verka. Efni af rangri gerð og ryðvarnartækni sem framleiðandi mælir ekki með getur valdið óafturkræfum skemmdum á ryðvörninni. Einnig er mikilvægt að viðurkenndur þjónustuaðili Skoda yfirfari útblásturskerfi bílsins.

    Kælikerfið yfirfarið

    Mikið álag er á kælikerfi bílsins að sumarlagi. Þess vegna er nauðsynlegt að viðurkenndur þjónustuaðili yfirfari kerfið vandlega. Sérstaklega mikilvægt er að ganga úr skugga um að kælikerfið leki ekki, athuga magn kælivökva og bæta á kælikerfið eða skipta um kælivökva ef þörf krefur.

    Rafgeymirinn athugaður

    Við mælum með því að rafgeymirinn sé athugaður áður en mesta álagstímabilið gengur í garð. Nauðsynlegt getur reynst að hlaða rafgeyminn og hreinsa rafskautin. Rafskautin þurfa að vera hrein og vandlega fest á rafgeyminn.

    Höggdeyfar yfirfarnir

    Vegir eiga að til að skemmast í samspili vatns og frosts að vetrarlagi. Nauðsynlegt er að yfirfara höggdeyfana, sérstaklega þéttingar þeirra og fjöðrunareiginleika,  svo ekkert fari úrskeiðis í akstri.

    Ljósin yfirfarin

    Rétt stillt ljós eru mikilvæg fyrir öryggi í akstri. Við mælum með því að ljósin séu stillt í viðeigandi tækjabúnaði hjá viðurkenndum þjónustuaðila Skoda. Gakktu einnig úr skugga um að í bílnum séu auka öryggi og aukaperur fyrir útiljós og stefnuljós.

    Rúðuþurrkur, rúðusprauta og ljós yfirfarin

    Margir telja ranglega að rúðurþurrkur og rúðusprautur séu þeir hlutir sem helst megi missa sín á bílnum. Öryggi allra byggist á góðu útsýni, sérstaklega í óhagstæðum veðurskilyrðum. Mælt er með því að rúðuþurrkum sé skipt út fyrir nýjar á sex mánaða fresti.

    Ennfremur er mikilvægt að yfirfara virkni rúðusprautunnar. Rúðuvökvageyminn á ávallt að fylla með réttri blöndu af vatni og rúðuvökva. Mælt er með sterkri íblöndu, þ.e.a.s. 50 ml af rúðuvökva út í vatn.

    Loftfrískunarkerfið yfirfarið

    Hnökralaus virkni loftfrískunarkerfisins er mikilvægt öryggis- og þægindaatriði fyrir farþega. Í vetrarlok getur borgað sig að athuga ástand loftfrískunarkerfins og grípa til fyrirbyggjandi aðgerða með sótthreinsun. Hið sama gildir um lofttúður og síur í kerfinu.

    Vélarrýmið yfirfarið

    Ryðvörn er mikilvæg, ekki síst að vetrarlagi þegar ekið er um saltborna vegi. Þess vegna er nauðsynlegt að hreinsa vandlega vélarrými bílsins og ganga þannig frá því að dregið sé úr tæringarmátti saltsins eins og kostur er.

    Hjá viðurkenndum þjónustuaðilum Skoda eru öll hreinsiefni og fyrirbyggjandi efni sem framleiðandi mælir með. Þeir búa einnig yfir öllum nauðsynlegum tækjabúnaði til að annast hreinsun á vélarrýminu. Ennfremur er nauðsynlegt að athuga olíustöðuna á vélinni og bæta við olíu ef þörf krefur.

    Hurðalamir og læsingar smurðar

    Mikilvægt er að athuga ástand á hurðalömum og læsingum í vetrarlok. Smyrja á lamir og læsingar með þar til gerðri smurningu.

    Anað sem getur komið sér vel að hafa í bílnum

    • Rúðuvökvi  
    • Vökvi á loftfrískunarkerfi í eldri gerðum bíla
    • 1 lítri af vélarolíu

    Viðurkenndir þjónustuaðilar skipuleggja á hverju ári árstíðabundnar skoðanir á bílnum þínum. Þessar skoðanir eru á sérkjörum að vor-, sumar- og vetrarlagi. Kynntu þér tilboð þau sem viðurkenndur þjónustuaðili nálægt þér býður. 

    		 
     
    Tegundir
    Um Škoda
    Nýjungar
    Hafðu samband
    © ŠKODA AUTO a.s. 2012. Allur réttur áskilinn.