Akreinaskynjararnir skynja óviljandi akstur út af akrein, senda ökumanni skilaboð sjónrænt og stýra bifreiðinni í rétta átt. Akreinaskynjararnir fara í gang þegar ekið er hraðar en 65 km/klst., að því gefnu að vegmerkingar séu á veginum og ekki hafi verið kveikt á stefnuljósum.

Front Assist er öryggiskerfi sem varar við yfirvofandi árekstri. Kerfið bremsar ef árekstur er óumflýjanlegur til að draga úr afleiðingum hans. Kerfið nauðhemlar einnig ef vegfarandi reynir að ganga fyrir bílinn á hættulegan hátt.

Blindsvæðisskynjarinn aðstoðar ökumanninn við að skipta um akreinar á öruggan hátt með því að fylgjast með ökutækjum sem eru á blindsvæðinu. Tveir ratsjárskynjarar eru á neðri hluta afturstuðarans sem fylgjast með svæðinu til hliðar við og allt að 20 metra fyrir aftan ŠKODA KAROQ.

Þegar bakkað er úr merktum stæðum greinir umferðarskynjarinn ökutæki sem nálgast frá hliðunum. Hljóðmerki varar ökumanninn við yfirvofandi árekstri. Skjár upplýsinga- og afþreyingarkerfisins lýsir fyrst í gulum lit og sýnir „hliðina sem er í hættu“ og síðan í rauðum lit. Bremsað er sjálfkrafa ef þörf krefur.

Kerfið eykur á öryggi og þægindi í umferðarteppum og þegar umferðin hnikast hægt áfram. Aðstoð í umferðarteppu nýtir sér sjálfvirka hraðastillinn og akreinaskynjarana með því að „sameina“ öll kerfin í eitt.