OTA (Over-the-Air) uppfærsla
Fjarstýrðar hugbúnaðaruppfærslur skila nýjum þjónustum og endurbótum sem auðvelda þér lífið með ENYAQ iV.
Hvað eru OTA (Over-the-Air) uppfærslur?
Rétt eins og tölvan þín eða snjallsíminn þinn er bíllinn þinn með innbyggðan hugbúnað. OTA-uppfærslur tryggja að hugbúnaðurinn í bílnum sé uppfærður í gegnum nettengingu í bílnum. Uppfærslurnar eru hannaðar til að bæta stjórn á bílnum og frammistöðu hans, í þeim geta verið nýir eiginleikar og ný virkni.
Hvers vegna ætti ég að uppfæra hugbúnaðinn minn?
Það er mikilvægt að viðhalda hugbúnaði bílsins. Uppfærslur sem eru fjarstýrðar eða „over the air“ eru hraðar, þægilegar og tímasparandi.
Hvernig virkar OTA-uppfærsla?
Í rafbílum er uppfærslum hlaðið niður sjálfvirkt í bakgrunninum á meðan bíllinn er í notkun. Til að uppfærslan verði þægilegri mælum við með því að hún sé sett af stað aftur eftir að þú ert komin(n) heim eða hefur lagt bílnum.
Algengar spurningar
Hvaða skilyrði þurfa að vera fyrir hendi til að OTA-uppfærsla takist?
- Nettengdur bíll – þegar bíllinn er í gangi skaltu gæta þess að ljósið í SOS einingunni sé grænt. Ef svo er þá táknar það að bílllinn sé nettengdur og geti átt samskipti við Škoda netþjóna.
- Virkur aðalnotandi - Gættu þess að aðalnotandi sér skráður fyrir bílinn. Ef svo er ekki skaltu setja auðkennisnúmer (VIN) bílsins í Garage í MyŠKODA appinu og fylgja leiðbeiningunum. Þú getur líka skoðað myndbandið hér.
- Netþekja – af því að OTA-uppfærslur berast í bílinn í gegnum Škoda Connect þjónustur er mikilvægt að net sé til staðar svo uppfærslan takist. Ef nettenging er takmörkuð eftir að uppfærslan hefur hafist þá mun uppfærslan klárast eftir að net er komið á að nýju. Þú getur kannað styrk netsins á aðalskjá upplýsinga- og afþreyingarkerfisins.
Get ég sett upp uppfærsluna án gagnatengingar?
Nei, jafnvel eftir að niðurhali er lokið þarf samt áfram jafnöfluga nettengingu og fyrir uppfærsluna sjálfa. Til dæmis er ekki víst að uppsetningin virki ef bílnum er lagt í bílastæðakjallara. Gagnatenging er nauðsynleg.
Hver er lágmarkshleðsla fyrir OTA-uppfærslu?
Háspennurafhlaðan þarf að vera með a.m.k. 50% hleðslu til að hægt sé að ræsa uppfærsluna.
Get ég hlaðið bílinn á meðan uppfærsla er í uppsetningu?
Nei, ekki er hægt að hlaða bílinn á meðan uppsetningu stendur. Vinsamlega hættu að hlaða (ef þú ert að því) og byrjaðu síðan á uppsetningu uppfærslunnar. Til að OTA-uppfærsla heppnist skaltu gæta þess að hleðsla á bílnum sé að lágmarki 50%.
Get ég hætt við OTA-uppfærslu?
Nei, en þú getur frestað uppfærslu. Til að gera það skaltu pikka á skjá upplýsinga- og afþreyingarkerfisins eftir að þú hefur sett af stað uppsetningu uppfærslunnar. Ef þú skiptir um skoðun getur þú alltaf byrjað uppfærsluna í gegnum Goodbye-skjáinn.
Ég fjarlægði óvart tilkynningu um að uppfærsla sér tilbúin til uppsetningar. Hvernig kemst ég til baka?
Slökktu á bílnum og þá sérðu tilkynninguna á Goodbye-skjánum.
Uppsetning uppfærslunnar mistókst. Hvað er til ráða?
Ef OTA-uppfærslan er enn tiltæk þá færðu tilkynningu í bílinn um að byrja aftur á uppsetningunni. Ef ekki skaltu hafa samband við Infoline með i-hnappinum í þakeiningunni eða leita ráða hjá söluaðila Škoda.
Hvers vegna hef ég ekki fengið tilkynningar um uppfærslur ennþá?
Uppfærslur koma í skömmtun til allra bíla í notkun. Þú færð tilkynningu í bílinn um leið og uppfærsla fyrir þinn bíl er tilbúin.
Hvaða eiginleikar koma með nýjustu OTA-uppfærslu?
Fyrir Enyaq iV verður sagt frá nýjum eiginleikum í Release Notes. Þessar upplýsingar verða tiltækar í „Further Information“ á skjá upplýsinga- og afþreyingarkerfisins fyrir og eftir uppfærsluna.
Hvers vegna eru engar sjáanlegar breytingar eftir uppfærsluna?
Stundum bæta OTA-uppfærslur bara bakgrunnsvirkni og -kerfi.
Annað
Kostar OTA-uppfærsla eitthvað?
Nei, OTA-uppfærslur eru gjaldfrjálsar fyrir alla viðskiptavini okkar.
Fellur ábyrgðin úr gildi ef ég set ekki upp uppfærslur?
Nei, ábyrgðin er áfram í gildi.
Hvernig eru gögnin mín notuð við OTA-uppfærslu?
Til að ljúka við OTA-uppfærslu þarf Škoda að fá auðkennisnúmer bílsins (VIN), tengi- og hugbúnaðarstöðu bílsins, og samþykki fyrir því að hlaða niður og setja upp hugbúnaðinn í bílnum. Engum persónuupplýsingum er safnað né þær vistaðar af hálfu Škoda fyrir þetta ferli.
Škoda notar þessar upplýsingar:
(a) til að tryggja að hugbúnaðinum sér rétt hlaðið niður og uppsetningin hafi heppnast;
(b) til að halda skrá yfir hugbúnað sem tengdur er bílnum sem hefur verið settur upp; og
(c) til að skrá samþykki aðalnotanda fyrir því að OTA-uppfærsla haldi áfram.
Škoda notar þessi gögn í samræmi við þetta friðhelgisyfirslýsingu: https://www.skoda-auto.com/other/personal-data