Há framljós og grill geisla af sjálfsöryggi og það fer ekki framhjá neinum að hér er nýi ŠKODA KODIAQ á ferð. Samspil þokkafullra, kraftmikilla lína og trausts yfirbragðs skapar gott jafnvægi í yfirbyggingunni.

Langt hjólhafið gefur til kynna mikið innanrými þegar horft er á jeppann frá hlið. Þegar litið er á stutta skögunina, aflíðandi þakið og fágaða hönnunina á stílhreinum hliðarlínunum er eins og þessi stóri jeppi sé á ferð, jafnvel þótt hann standi kyrr.

Afturhlutinn einkennist af ílöngum afturljósum sem liggja hátt og eru sveigð inn á yfirbygginguna. Virðulegur afturstuðarinn liggur hátt og ekki fer á milli mála hver er þar á ferð.

Grillið á ŠKODA KODIAQ endurspeglar hvernig hönnunareinkenni vörumerkisins eru yfirfærð á jeppa. Trapisulaga grillið er með krómuðum kanti og 13 lóðréttum, tvöföldum rimum.

Einkennandi C-lögun LED-afturljósanna er til marks um heildstæða hönnunarstefnu okkar. Ytri hlutar afturljósanna eru búnir einkennandi kristalsgleri sem sést frá hliðunum. Lögun afturljósanna var endurbætt með tilliti til loftmótsstöðu til að bæta loftflæðið í kringum jeppann.