Þú þarft ekki lengur að halda á lyklinum til að opna og læsa bifreiðinni. KESSY-KERFIÐ (lyklalaus opnun, gangsetning og læsing) skynjar lykilinn í allt að 1,5 metra fjarlægð frá bifreiðinni. Bíllinn opnast sjálfkrafa þegar tekið er í hurðarhúninn eða afturhlerann. Vélin er gangsett með hnappi.

Rafstýrð handbremsa af nýjustu gerð skapar bæði meira pláss á milli framsætanna og eykur á öryggi og þægindi. Handbremsan er með sjálfvirkri haldstöðu sem kemur í veg fyrir að bifreiðin renni úr kyrrstöðu eða þegar keyrt er af stað, án þess að ökumaðurinn þurfi að koma við bremsurnar.

KAROQ er afhentur með hita í stýri ef þess er óskað, sem er hentugt á veturna, sér í lagi þegar hendurnar eru hálffrosnar af því að skafa rúðurnar. Hituð framrúðan auðveldar það verk þó til muna. En ef þér er enn kalt ætti hitinn í fram- og aftursætunum að hlýja þér.

Forsjálni er þörf þegar notast er við handstýrðar barnalæsingar, sér í lagi þegar stundum er ekið með börn sem farþega og stundum með fullorðna. Þú getur virkjað læsingarnar að aftan og gert þær óvirkar hvenær sem er með því að nota rafstýringu í ökumannssætinu.