Columbus kerfi með 10 tommu skjá er staðalbúnaður í OCTAVIA COMBI iV og hægt er að stýra því með snertingu, handahreyfingum og rödd. Stöðluðu útvarpi fylgir leiðsögn, tenging við síma í gegnum SmartLink viðmót (Apple CarPlay, Android Auto MirrorLink™), nettengdar ŠKODA Connect þjónustur og möguleikar til að hlusta á nettengdar útvarpsstöðvar og streymisþjónustur. Þú getur þysjað inn á korti eða stýrt hljóðstyrknum með snertisleðanum.

Ný kynslóð nettengdra ŠKODA Connect þjónusta veita nettengda leiðsögn og upplýsingar um borð í bílnum og þann möguleika að fjarstýra ákveðnum aðgerðum með snjallsíma, sem og gagnvirk fjarskipti við ŠKODA þjónustumiðstöð að þínu vali. eCall, sem tengir sjálfvirkt við björgunaraðila þegar slys verður, er líka hluti af þessum búnaði.

Remote Access er ŠKODA Connect þjónusta sem gerir þér kleift að fjarstýra bílnum með snjallsímanum þínum. OCTAVIA COMBI iV er einnig útbúinn viðbótar sérþjónustum, t.d. fjarstýrðri loftræstingu og fjarstýrðri rafhleðslu auk birtingar á hleðslustöðu.

Nýr OCTAVIA er fyrsti bíllinn frá ŠKODA sem gerir þér kleift að kaupa tæknieiginleika á netinu sem hafa verið pantaðir áður en bíllinn var smíðaður. Í upplýinga- og afþreyingarkerfinu er forritið Shop þar sem þú getur bætt eiginleikum við bílinn þinn, til dæmis sérlitum fyrir ljósin, nýjum akstursaðstoðarkerfum og nýjum eiginleikum varðandi upplýsingar og afþreyingu. Þú getur auk þess bætt við gagnapakkann þinn, víkkað út nettengdu ŠKODA Connect þjónusturnar þínar og hlaðið niður forritum.

Raddaðstoðin Laura sér til þess að bíllinn hlýði þínum fyrirskipunum. Einfaldar fyrirskipanir eru hluti af fortíðinni. Núna getur þú stýrt bílnum með Láru, aðstoð sem skilur venjulegt tal. Lára hjálpar þér að stýra leiðsagnarkerfinu, upplýsinga- og afþreyingarkerfinu, loftræstingu og textaskilaboðum, og þú getur einbeitt þér betur að akstrinum.

Tvö baklýst USB-C tengi frammi í, fyrir gagnasendingar og endurhleðslu, eru staðalbúnaður OCTAVIA. Hægt er að bæta við þremur USB-C tengjum til viðbótar, einu fyrir baksýnisspegilinn til að hlaða bakkmyndavélina, og tveimur fyrir farþega í aftursætum til að hlaða tæki sín.