Ef þú ert oft lengi undir stýri þá veistu hvað það er erfitt að hafa stöðugt auga með umferðarmerkjum, keyra í þungri umferð og hanga í bílalest. Aksturaðstoðin í nýjum OCTAVIA COMBI iV getur hjálpað. Þegar hún hefur verið virkjuð getur bíllinn aðlagað hraðann að umferðinni í kring og að hraðatakmörkunum, haldið sér á akreininni og stoppað og ræst í umferðarhnútum.

Háklassa þægindi í fjölskyldubíl. AGR-vottuð framsætin bjóða upp á loftflæði, nudd og sveigjanlega lengd á púðum. Farþegar í aftursætum njóta höfuðpúða sem eru sérhannaðir til þess að þeir geti sofið á leiðinni. Ökumaður, farþegi í framsæti og farþegar í aftursætum geta allir stillt sinn eigin hita með þriggja svæða Climatronic loftræstingunni. Virk fjöðrunarstýring (DCC) með stillanlegum höggdeyfum tryggir að aksturinn er þægilegur við hvaða skilyrði sem er.

OCTAVIA COMBI er hlaðinn Simply Clever græjum sem gera lífið ánægjulegra á hverjum degi. Með fullar hendur? Opnaðu skottið með sýndarfetlinum (Virtual Pedal) með því að gera sparkhreyfingu undir afturstuðaranum. Lyklarnir á botninum í töskunni? Taktu í hvaða hurðarhún sem er með lyklalausa KESSY kerfinu.