Framskynjarinn varar við árekstri. Ef árekstur er óhjákvæmilegur virkjar kerfið bremsurnar til að lágmarka afleiðingarnar. Það framkvæmir líka neyðarhemlun ef gangandi vegfarandi eða hjólreiðamaður fer fyrir bílinn svo að hætta skapast.

Beygjuvari (Turn Assist) er hluti af Framskynjaranum (Front Assist), og er hannaður til að fylgjast með aðvífandi umferð þegar þú beygir til vinstri (í vinstri handar akstri), til dæmis við vegamót. Ef hætta er yfirvofandi hjálpar Beygjuvarinn bílnum að stöðvast að fullu og laðar fram viðvörunarmerki.

Tveir skynjarar aftan á bílnum gera Side Assist kerfinu kleift að greina bíla sem nálgast að aftan eða eru á blindsvæði bílsins. LED ljósamerki inni í hulstrum hliðarspeglanna gera viðvart um þetta. Side Assist getur greint bíla í allt að 70 m fjarlægð og varar þig við hættulegum aðstæðum á þjóðvegum og tvístefnuvegum.

Kerfið forspennir öryggisbelti í framsætum ef árekstur er yfirvofandi, eða við ótrygg akstursskilyrði, og virkjar ESC til að loka hliðargluggum næstum að fullu til að koma í veg fyrir að hlutir kastist inn í bílinn. Kerfið vinnur með fram- og afturskynjurum og veltuskynjara (rollover sensor).

Ef OCTAVIA COMBI lendir í óhappi og loftpúðarnir virkjast þá getur hann haldið áfram ferðinni og valdið öðru óhappi, en þar grípur Fjöldaárekstursbremsan (Multi-Collision Brake) inn í og stöðvar bílinn.